സെപക് താക്രോ ജില്ലാ സീനിയർ ചാമ്പ്യൻഷിപ്പിൽ ഇർഷാദ് ഇംഗ്ലീഷ് സ്കൂൾ മേലാറ്റൂർ ഓവറോൾ ചാമ്പ്യൻമാരായി. എംഇഎസ് കോളേജ് മമ്പാട് രണ്ടും ഡോ. അംബേദ്കർ സ്മാരക ലൈബ്രറി ഇളംമ്പുഴ മൂന്നാം സ്ഥാനവും നേടി. മമ്പാട് എംഇഎസ് കോളേജിൽ നടന്ന മത്സരം ഗ്രാമ പഞ്ചായത്ത് പ്രസിഡന്റ് സി ശ്രീനിവാസൻ ഉദ്ഘാടനം ചെയ്തു.
അസോസിയേഷൻ പ്രസിഡന്റ് എ പി ഇസ്ഹാഖ് അധ്യക്ഷത വഹിച്ചു. സ്റ്റേറ്റ് ജോയിന്റ് സെക്രട്ടറി ഡോ. സി രതീഷ് ബാബു, വാർഡ് മെമ്പർ സുബ്രഹ്മണ്യൻ, കെ നിഷ, ഫരീദ എന്നിവർ സംസാരിച്ചു. സ്പോർട്സ് കൗൺസിൽ ഒബ്സർവർ നാസർ ജില്ല സ്പോർട്സ് അക്കാദമി ഓഫീസർ മുരുഗൻരാജ് ട്രോഫികൾ വിതരണം ചെയ്തു.