കുടിവെള്ള പ്രശ്‌നത്തില്‍ ഡല്‍ഹി സര്‍ക്കാരിനോട് വിശദീകരണം തേടി സുപ്രീംകോടതി. ഡല്‍ഹിയില്‍ പ്രവര്‍ത്തിക്കുന്ന ടാങ്കര്‍ മാഫിയക്കെതിരെ എന്ത് നടപടിയെടുത്തെന്ന് കോടതി ചോദിച്ചു. സര്‍ക്കാര്‍ നടപടിയെടുത്തില്ലെങ്കില്‍, പൊലീസിനോട് നടപടിയെടുക്കാന്‍ ആവശ്യപ്പെടുമെന്നും കോടതി ചൂണ്ടിക്കാട്ടി. രൂക്ഷമായി തുടരുന്ന കുടിവെള്ള പ്രശ്‌നം പരിഹരിക്കാന്‍ ഇടപെടണമെന്ന ഡല്‍ഹി സരക്കാരിന്റെ ഹര്‍ജിയിലാണ് കോടതിയുടെ വിമര്‍ശനം.
ഡല്‍ഹിയില്‍ കുടിവെള്ളക്ഷാമം രൂക്ഷമായി തുടരുന്ന് സാഹചര്യത്തിലാണ് കുടിവെള്ളപ്രശ്നം പരിഹരിക്കാന്‍ അടിയന്തര ഇടപെടലാവശ്യപ്പെട്ട് ഡല്‍ഹി സര്‍ക്കാര്‍ സുപ്രീംകോടതിയെ സമീപിച്ചത്. ഹര്‍ജി പരിഗണിച്ച കോടതി ഡല്‍ഹിയില്‍ പ്രവര്‍ത്തിക്കുന്ന ടാങ്കര്‍ മാഫിയക്കെതിരെ സര്‍ക്കാര്‍ എന്ത് നടപടിയെടുത്തെന്ന് ചോദ്യം ഉയര്‍ന്നിരുന്നു. സര്‍ക്കാര്‍ നടപടിയെടുക്കുന്നില്ലെങ്കില്‍ പൊലീസിനോട് തങ്ങള്‍ ആവശ്യപ്പെടാമെന്ന് കോടതി വിമര്‍ശിച്ചു. കുടിവെള്ളക്ഷാമം പരിഹരിക്കാന്‍ സര്‍ക്കാര്‍ എന്തൊക്കെ നിയന്ത്രണങ്ങള്‍ ഏര്‍പ്പെടുത്തിയെന്ന് കോടതി ആരാഞ്ഞു.
അതേ സമയം ഹരിയാന ഡല്‍ഹിക്ക് ആവശ്യമായ വെള്ളം നല്‍കുന്നില്ലെന്ന് ആരോപണം ഉയര്‍ന്നു. ഹരിയാനയുമായുള്ള രാഷ്ട്രീയ കലഹത്തിനും കാരണമായി. വെള്ളം നല്‍കാന്‍ ഹരിയാന സര്‍ക്കാരിനോട് ആവശ്യപ്പെടണമെന്ന് ലഫ്. ഗവർണ്ണർ വി കെ സക്സേന ഉറപ്പു നല്കിയെന്ന് മന്ത്രി അതിഷി ഇന്നലെ പ്രതികരിച്ചിരുന്നു.
English Summary:severe drinking water problem; The Supreme Court sought an explanation from the Delhi government
You may also like this video
