ഫെയ്‌സ് ബുക്കിലൂടെ പരിചയപ്പെട്ട് പ്ലസ്ടു വിദ്യാര്‍ത്ഥിനിക്ക് നേരെ ലൈംഗികാതിക്രമം കാട്ടിയ എറണാകുളം സ്വദേശിയെ വിതുര പൊലീസ് അറസ്റ്റ് ചെയ്തു. നോര്‍ത്ത് പറവൂര്‍ നന്ദികുളങ്ങര സ്വദേശി ജോയ്‌സണ്‍ (21) നെയാണ് വിതുര സി ഐ ശ്രീജിത്ത് സംഘവും അറസ്റ്റ് ചെയ്തത്.
ഫെയ്‌സ് ബുക്കിലൂടെ പരിചയപ്പെട്ട പ്രതി പെണ്‍കുട്ടിയുടെ മെബൈല്‍ നമ്പര്‍ വാങ്ങിക്കുകയും പല തവണ പെണ്‍കുട്ടിയെ കാണുവാനായ് വിതുരയില്‍ എത്തിയിരുന്നു. ആറ് മാസം മുമ്പ് പെണ്‍കുട്ടിയെ ബൈക്കില്‍ കയറ്റി ആളൊഴിഞ്ഞ ഭാഗത്ത് കൊണ്ടുപോയി പീഡിപ്പിക്കാന്‍ ശ്രമിച്ചതായി പെണ്‍കുട്ടി പൊലീസിന് മൊഴി നല്‍കി.
ഇന്നലെ രാവിലെ സ്‌കൂള്‍ പരിസരത്ത് പൊലീസ് പട്രോളിംഗ് നടത്തുന്നതിനടയില്‍ സംശയസ്പദമായി ജോയ്‌സണെ പൊലീസ് കണ്ടു. പൊലീസ് നടത്തിയ ചോദ്യം ചെയ്യലില്‍ പറവൂരില്‍ നിന്നും ബൈക്കില്‍ ജോയ്‌സണ്‍ വിതുരയില്‍ പെണ്‍കുട്ടിയെ കാണുവാന്‍ എത്തിയത്. പ്രതിയ്ക്ക് പോക്‌സോ ചുമത്തി കേസ് രജിസ്റ്റര്‍ ചെയ്തു. പ്രതിയെ നെടുമങ്ങാട് കോടതിയില്‍ ഹാജരാക്കി റിമാന്‍ഡ് ചെയ്തു.
english summary; Sexual harassment of a Plus Two student; Defendant arrested
you may also like this video;
