വിദ്യാർത്ഥിനിക്കു നേരെ ലൈംഗികാതിക്രമം നടത്തിയ കെഎസ്ആർടിസി ഡ്രൈവര്‍ അറസ്റ്റില്‍. കോഴിക്കോട് കാരന്തൂർ സ്വദേശി ഇബ്രാഹിം മച്ചിലിനെയാണ് അറസ്റ്റുചെയ്തത്. കോഴിക്കോടുനിന്ന് മാനന്തവാടിയിലേക്ക് പോവുകയായിരുന്ന സൂപ്പർഫാസ്റ്റ് ബസിൽ ഇന്നലെ രാത്രിയാണ് സംഭവം ഉണ്ടായത്.
കോഴിക്കോട് നിന്നാണ് പരാതിക്കാരി ബസിൽ കയറുന്നത്. ബസിൽ തിരക്കായതിനാൽ സീറ്റ് ഒഴിവുണ്ടായിരുന്നില്ല. ഇതിന് പിന്നാലെ ഡ്രൈവറുടെ നിർദേശ പ്രകാരം ബസിന്റെ ബോണറ്റിലിരുന്ന് യാത്രചെയ്ത യുവതിയുടെ ശരീരത്തിൽ ഇയാൾ സ്പർശിച്ചതായാണ് പരാതി. യുവതിയോട് ഇയാൾ അശ്ലീലച്ചുവയോടെ സംസാരിച്ചതായും പരാതിയിൽ ചൂണ്ടിക്കാട്ടുന്നു.
യുവതി വിഷയം പൊലീസിന് മെസേജ് അയച്ചതനുസരിച്ച് സ്ഥലത്തെത്തി ഇവരുടെ പരാതി സ്വീകരിക്കുകയായിരുന്നു. ഇയാളെ ഇന്ന് കോടതിയിൽ ഹാജരാക്കും.
English Sammury: KSRTC driver arrested for sexually assaulting student
