ലിസ്സ് ഇന്ത്യ സൊസൈറ്റിയുടെ സിൽവർ ജൂബിലിയോടനുബന്ധിച്ച് കേരള സ്റ്റേറ്റ് എയ്ഡ്സ് കൺട്രോൾ സൊസൈറ്റി, ലിസ്സ് ഇന്ത്യ സുരക്ഷ ട്രക്കേഴ്സ് പ്രോജക്ട എന്നിവയുടെ സംയുക്താഭിമുഖ്യത്തിൽ പ്രഖ്യാപിച്ച മാധ്യമ പുരസ്കാരത്തിന് ജനയുഗം ലേഖകൻ ഷാജി ഇടപ്പള്ളി അർഹനായി. വിവിധ മേഖലകളിൽ വ്യക്തി മുദ്ര പതിപ്പിച്ച ഡോ എം ഐ ജുനൈദ് റഹ്‌മാൻ (ആരോഗ്യരംഗം), മുത്തൂറ്റ് സ്നേഹാശ്രയ (ചാരിറ്റി പ്രവർത്തനം ), എ കെ അബ്ദുൽ അസീസ്, എം ഐ അഷ്‌റഫ്, നിസാൽ സി എസ് (സാമൂഹിക,സേവനം ) എന്നിവരും പുരസ്കാരത്തിന് അർഹരായി. ഫലകവും പ്രശസ്തി പത്രവും ഉൾപ്പെടുന്ന പുരസ്‌കാരം 23 ന് രാവിലെ പത്തിന് പെരുമ്പാവൂർ വെസ്റ്റ് മുടിക്കൽ മറ്റപ്പിള്ളി വേയ് ബ്രിഡ്ജ് മൈതാനിയിൽ നടക്കുന്ന ചടങ്ങിൽ സമ്മാനിക്കും. സമ്മേളനം വാഴക്കുളം പഞ്ചയാത്ത് പ്രസിഡന്റ് സി കെ ഗോപാലകൃഷ്ണൻ ഉദ്‌ഘാടനം ചെയ്യും. ലിസ്സ് ഇന്ത്യ പ്രോജക്ട് ഡയറക്ടർ ഡോ ലിസി ജോസ് ചടങ്ങിൽ അധ്യക്ഷയാകും.
ENGLISH SUMMARY:Shaji Edappally wins LIS India Media Award
You may also like this video
