ലോക വനിതാദിനത്തോടനുബന്ധിച്ച് വനിതാകലാസാഹിതി ഷാർജ “ജ്വാല വുമണ്‍സ് ഡെ ‑2021 ( Jwala Womens Day 2023)” ഫെബ്രുവരി 26 ഞായറാഴ്ച നടക്കും. വൈകിട്ട് അഞ്ചു മുതൽ ഇന്ത്യൻ അസോസിയേഷൻ ഷാർജയിൽ വച്ചാണ് വിപുലമായ പരിപാടികളോടെ വനിതാദിനം സംഘടിപ്പിക്കുന്നത്. പ്രശസ്ത ചലച്ചിത്ര‑നാടക ‑സാമൂഹിക പ്രവർത്തകയായ സജിത മഠത്തിൽ പരിപാടിയിൽ മുഖ്യാതിഥിയായി പങ്കെടുക്കും.
കേരള പബ്ലിക് റിലേഷൻസ് വകുപ്പിന് വേണ്ടി സജിത മഠത്തിൽ സംവിധാനം ചെയ്ത ‘മാറ്റത്തിന്റെ പാട്ടുകാരി’ എന്ന പി കെ മേദിനിയമ്മയെക്കുറിച്ചുള്ള ഡോക്യുമെന്ററി പ്രദർശനം നടക്കും. യുഎഇയുടെ കലാ-സാംസ്കാരിക‑സാമൂഹിക മണ്ഡലത്തിൽ ശ്രദ്ധേയമായ വ്യക്തിമുദ്ര പതിപ്പിച്ച വനിതകളെ ആദരിക്കും. തുടർന്ന് വനിതാകലാസാഹിതി പ്രവർത്തകർ ഒരുക്കുന്ന നൃത്ത, ഗാന സന്ധ്യകൾ നടക്കും.
English Sammury: sharjah jwala womens day celebration 2023 februari 26
