ഷൈൻ ടോം ചാക്കോയെ വെറുതെ വിടാൻ ഇടയാക്കിയത് യുഡിഎഫ് കാലത്തെ പൊലീസിന്റെ വീഴ്ച മൂലമെന്ന് എക്സൈസ് മന്ത്രി എംബി രാജേഷ്. നടന് ഷൈന് ടോം ചാക്കോയ്ക്കെതിരെ നടി വിന്സി അലോഷ്യസ് നല്കിയ വെളിപ്പെടുത്തലില് അന്വേഷണമുണ്ടാകും . സിനിമാ മേഖലയില് മാത്രമല്ല മറ്റ് ഏത് മേഖലയിലായാലും ലഹരി ഉപയോഗത്തിനെതിരായ നടപടി എക്സൈസ് വകുപ്പ് കൈകൊള്ളുമെന്ന് എം ബി രാജേഷ് പറഞ്ഞു. കേസെടുക്കാന് പ്രത്യേക നിര്ദ്ദേശം നല്കേണ്ടതില്ലെന്നും വകുപ്പ് സ്വമേധയാ നടപടി സ്വീകരിക്കുമെന്നും മന്ത്രി മാധ്യമങ്ങളോട് വ്യക്തമാക്കി. യുഡിഎഫ് കാലത്തെ വീഴ്ചയെ കുറിച്ച് കോടതി തന്നെ പൊലീസിനെ രൂക്ഷമായി വിമര്ശിച്ചിരുന്നുവെന്നും എം ബി രാജേഷ് പറഞ്ഞു.
ഷൈൻ ടോം ചാക്കോയെ വെറുതെ വിടാൻ ഇടയാക്കിയത് യുഡിഎഫ് കാലത്തെ പൊലീസിന്റെ വീഴ്ച : മന്ത്രി എംബി രാജേഷ്
