ഇറാന്റെ ഡ്രോൺ ആക്രമണത്തിൽ ഇന്ത്യകാരനടക്കം കൊല്ലപ്പെട്ടു.ഒമാൻ തീരത്ത് സുല്ത്താൻ ഖാബൂസ് തുറമുഖത്തിന് സമീപം കപ്പലിന് നേരെയാണ് ഇറാൻ സ്ഫോടക വസ്തുക്കള് നിറച്ച ഡ്രോണ് ഉപയോഗിച്ച് ആക്രമിച്ചത്. തുടർന്ന് കപ്പലിന് തീപിടിക്കുകയും വലിയ നാശനഷ്ടങ്ങള് സംഭവിക്കുകയും ചെയ്തു. ആക്രമണ സമയത്ത് കപ്പലില് 16 ഇന്ത്യക്കാരാണ് ഉണ്ടായിരുന്നതെന്നാണ് വിവരം.
ഇത് സംബന്ധിച്ച കൂടുതൽ വിവരങ്ങൾ പുറത്തുവരുന്നതേയുള്ളു. കപ്പലിൽ തീ പടർന്നതിനെത്തുടർന്ന് ജീവനക്കാരെ അടിയന്തരമായി ഒഴിപ്പിച്ചു. പരിക്കേറ്റവരെക്കുറിച്ചോ കൊല്ലപ്പെട്ടയാളുടെ കൂടുതൽ വിവരങ്ങളോ ഔദ്യോഗികമായി സ്ഥിരീകരിച്ചിട്ടില്ല. ഒമാൻ നാവികസേനയുടെ സഹായത്തോടെയാണ് രക്ഷാപ്രവർത്തനം ഏകോപിപ്പിക്കുന്നത്. ഇറാനും അമേരിക്കയും തമ്മിലുള്ള സംഘർഷം നിലനില്ക്കുന്ന സാഹചര്യത്തില് ഒമാൻ തീരത്തുണ്ടായ ഈ നീക്കം അന്താരാഷ്ട്ര തലത്തില് വലിയ ആശങ്കയുണ്ടാക്കിയിട്ടുണ്ട്.