ഡല്ഹിയെ വീണ്ടും കൂട്ട ബലാത്സംഗം . ഇരുപത്തിയൊന്നുവയസുകാരിയെ തൊഴിലുടമ അടക്കം മൂന്നുപേര് ക്രൂരമായി പീഡിപ്പിച്ചതായി റിപ്പോര്ട്ട്. ഡല്ഹിയ്ക്ക് പുറത്തുള്ള ജിമ്മിലെ ജീവനക്കാരിയായ 21കാരിയാണ് ക്രൂരമായി പീഡിപ്പിക്കപ്പെട്ടത്. വ്യാഴാഴ്ച രാവിലെ ബുധ്വിഹാറിലാണ് ക്രൂരമായ പീഡനം നടന്നത്.
പീഡിപ്പിച്ചവരില് 39 കാരനായ ജിം ഉടമ, 35 വയസുള്ള ഫാക്ടറി മുതലാളി എന്നിവരെ തിരിച്ചറിയാന് പീഡനത്തെ അതിജീവിച്ച പെണ്കുട്ടിക്ക് സാധിച്ചിട്ടുണ്ടെന്നാണ് ദേശീയമാധ്യമങ്ങള് റിപ്പോര്ട്ട് ചെയ്യുന്നത്. കൂട്ട ബലാത്സംഗത്തിനും ലൈംഗിക പീഡനത്തിനും അനധികൃതമായ തടഞ്ഞുവെയ്ക്കല് അടക്കമുള്ള കുറ്റങ്ങളാണ് പ്രതികള്ക്കെതിരെ ചുമത്തിയിരിക്കുന്നത്. വിഷയം പൊലീസില് അറിയിച്ചതിന് പിന്നാലെ കൊലപാതക ഭീഷണി നേരിടുന്നതായും പെണ്കുട്ടി പൊലീസിനോട് വ്യക്തമാക്കിയിട്ടുണ്ട്.
ജിമ്മിലെ ജോലി പൂര്ത്തിയാക്കി മടങ്ങുനൊരുങ്ങിയ പെണ്കുട്ടിയെ തൊഴിലുടമ സുഹൃത്തിന്റെ ജിമ്മില് ചില ജോലികള് ഉണ്ടെന്ന് പറഞ്ഞു വിളിച്ചു വരുത്തിയാണ് പീഡിപ്പിച്ചത്. പെണ്കുട്ടി സ്ഥാപനത്തിലേക്ക് കയറിയതോടെ ഇവര് ജിം അകത്തുനിന്ന് പൂട്ടിയിടുകയായിരുന്നു.
english summary; Shocking gang-rape in Delhi again