അമേരിക്കയിലെ ലെവിൻസ്റ്റൻ നഗരത്തിലുണ്ടായ വെടിവെയ്പ്പിൽ 22 പേര്‍ മരിച്ചു. ഇരുപതോളം പേർക്ക് പരിക്കേറ്റു. മെയ്നിലെ ലെവിൻസ്റ്റൻ പ്രദേശത്തെ ബാറിലും വോൾമാർട്ട് വിതരണ കേന്ദ്രത്തിലുമാണ് വെടിവെപ്പുണ്ടായത്. അതേസമയം അക്രമിയെ ഇതുവരെ പിടികൂടാൻ കഴിഞ്ഞിട്ടില്ല. പ്രതിയുടെ ചിത്രം പൊലീസ് പുറത്തുവിട്ടു.
ജനങ്ങൾ ജാഗ്രത പാലിക്കാനും വീടുകൾക്കുള്ളിൽ തന്നെ കഴിയാനും പ്രദേശവാസികളോട് പൊലീസ് നിർദേശം നൽകി. അമേരിക്കൻ പ്രസിഡന്റ് ജോ ബൈഡനെയടക്കം സംഭവത്തിന്റെ ഗൗരവം ധരിപ്പിച്ചിട്ടുണ്ടെന്ന് അധികൃതർ വ്യക്തമാക്കിയെന്നാണ് അന്താരാഷ്‌ട്ര മാധ്യമങ്ങളുടെ റിപ്പോർട്ട്. 2022 മെയ് മാസത്തില്‍ ടെക്‌സാസിലെ സ്‌കൂളില്‍ നടന്ന വെടിവെപ്പില്‍ കുട്ടികളും അധ്യാപകരുമടക്കം 19 പേര്‍ കൊല്ലപ്പെട്ടിരുന്നു.
English Summary: Shooting in America; 22 Death
You may also like this video
