യൂത്ത് കോണ്‍ഗ്രസ്സ് നേതാവ് ഷുഹൈബിന്റെ മരണവുമായി ബന്ധപ്പെട്ട് സിബിഐ അന്വേഷണം വേണമെന്ന മാതാപിതാക്കളുടെ ഹര്‍ജി സുപ്രീം കോടതി തള്ളി.ജസ്റ്റിസുമാരായ ബിആര്‍ ഗവായ്,കെ.വി വിശ്വനാഥന്‍ എന്നിവരടങ്ങുന്ന ബഞ്ചാണ് ഹര്‍ജി തള്ളിയത്.സംഭവം നടന്നിട്ട് 5 വര്‍ഷം കഴിഞ്ഞെന്ന് ചൂണ്ടിക്കാട്ടിയ ബഞ്ച് കേസിന്റെ വിചാരണ വേളയില്‍ മറ്റാരുടെയെങ്കിലും പങ്ക് തെളിഞ്ഞാല്‍ നിയമപരമായ മാര്‍ഗം തേടാമെന്നും വ്യക്തമാക്കി.
ഷുഹൈബ് വധക്കേസ് സിബിഐക്ക് വിട്ട്‌കൊടുത്തുകൊണ്ട് സിംഗിള്‍ ബഞ്ച് ഉത്തരവിട്ടിരുന്നു.എന്നാല്‍ ഹൈക്കോടതി ഡിവിഷന്‍ ബഞ്ച് ഈ ഉത്തരവ് റദ്ദാക്കിയിരുന്നു.ഇതിനെതിരെയാണ് മാതാപിതാക്കള്‍ സുപ്രീം കോടതിയെ സമീപിച്ചത്.