പൂക്കോട് വെറ്ററിനറി കോളജ്‌ വിദ്യാർത്ഥി സിദ്ധാർത്ഥിന്റെ മരണത്തിൽ പ്രതികളുമായി ക്യാമ്പസ്‌ ഹോസ്റ്റലിൽ തെളിവെടുപ്പ് ആരംഭിച്ചു. സിദ്ധാർത്ഥിനെ കൂടുതൽ ആക്രമിച്ചുവെന്ന് മൊഴികളിലുള്ള സിൻജോ ജോണുമായിട്ടാണ് പൊലീസ് പൂക്കോട് വെറ്ററിനറി കോളേജ് ക്യാമ്പസിലെ ഹോസ്റ്റല്‍ മുറിയിലെത്തി തെളിവെടുപ്പ് ആരംഭിച്ചത്. കേസിലെ മുഖ്യ പ്രതിയാണ് സിന്‍ജോ ജോണ്‍സണ്‍.
തെളിവെടുപ്പില്‍ സിദ്ധാര്‍ത്ഥനെ മർദിക്കാൻ ഉപയോഗിച്ച വയറുകളും ഗ്ലൂഗണ്ണും കണ്ടെടുത്തു. ഹോസ്റ്റലിലെ ഇരുപത്തിയൊന്നാം നമ്പര്‍ മുറിയിലും നടുത്തളത്തിലും ഉള്‍പ്പെടെയാണ് തെളിവെടുപ്പ് നടക്കുന്നത്. ഈ ഹോസ്റ്റല്‍ മുറിയിലും ഹോസ്റ്റലിന്‍റെ നടുത്തളത്തിലും വെച്ചാണ് സിദ്ധാര്‍ത്ഥൻ മര്‍ദനത്തിനിരയായത്.
English Summary: Sidharthan’s death: evidence collection with the first accused
You may also like this video
