സംസ്ഥാനത്തെ പുതുക്കിയ കരട് വോട്ടർ പട്ടിക പ്രസിദ്ധീകരിച്ചു. വോട്ടർ പട്ടികയിൽ നിന്ന് 24,08,503 പേരെയാണ് വിവിധ കാരണങ്ങളാൽ ഒഴിവാക്കിയത്. 2002ന് ശേഷം ആദ്യമായാണ് കേരളത്തിൽ ഇത്രയും വിപുലമായ രീതിയിൽ വോട്ടർ പട്ടിക പുതുക്കുന്നതെന്ന് മുഖ്യ തെരഞ്ഞെടുപ്പ് ഓഫീസർ രത്തൻ ഖേൽക്കർ അറിയിച്ചു. കരട് പട്ടിക പ്രകാരം സംസ്ഥാനത്ത് നിലവിൽ 2,54,42,352 വോട്ടർമാരാണുള്ളത്. 1,23,83,341 പുരുഷന്മാരും 1,30,58,731 സ്ത്രീകളും പട്ടികയിലുണ്ട്. കൂടാതെ 280 ട്രാൻസ്ജെൻഡർമാരും ഉൾപ്പെടുന്നു. വോട്ടർമാർക്ക് [voters.eci.gov.in](https://www.google.com/search?q=https://voters.eci.gov.in) എന്ന വെബ്സൈറ്റ് വഴി പട്ടിക പരിശോധിക്കാവുന്നതാണ്.
പട്ടികയിൽ നിന്ന് ഒഴിവാക്കപ്പെട്ടവർക്കോ പുതുതായി പേര് ചേർക്കാൻ ആഗ്രഹിക്കുന്നവർക്കോ ബന്ധപ്പെട്ട ഫോം പൂരിപ്പിച്ചു നൽകി പേര് ഉൾപ്പെടുത്താം. ഇന്ന് മുതൽ ജനുവരി 22 വരെ പരാതികളും ആക്ഷേപങ്ങളും സമർപ്പിക്കാൻ സമയമുണ്ട്. പരാതികൾ പരിഗണിക്കുന്നതിനായി ആയിരത്തോളം ഉദ്യോഗസ്ഥരെ പ്രത്യേകമായി നിയോഗിച്ചിട്ടുണ്ടെന്നും തെരഞ്ഞെടുപ്പ് ഓഫീസർ വ്യക്തമാക്കി.
പട്ടികയിലെ കണക്കുകള് ഇങ്ങനെ
6.49 ലക്ഷം- മരിച്ചവർ
6.45 ലക്ഷം- കണ്ടെത്താൻ കഴിയാത്തവർ
8.16 ലക്ഷം- താമസം മാറിയവർ
1.36 ലക്ഷം- ഒന്നിൽ കൂടുതൽ തവണ പേര് ഉള്ളവർ
1.60 ലക്ഷം- മറ്റുള്ളവർ