കണ്ണൂരില്‍ ആറുവയസുകാരനെ മര്‍ദ്ദിച്ച സംഭവത്തില്‍ മറ്റൊരാള്‍കൂടി അറസ്റ്റിലായി. തലശ്ശേരിയില്‍ കാറില്‍ ചാരി നില്‍ക്കവെ ആറ് വയസുകാരന്‍ ഗണേശനെ അതേ സമയത്ത് ആക്രമിച്ച മറ്റൊരാളാണ് അറസ്റ്റിലായത്.
കുട്ടി കാറിന് സമീപത്ത് നില്‍ക്കുമ്പോള്‍ വഴിയേ പോയ ഇയാള്‍ കുട്ടിയുടെ തലയ്ക്കടിക്കുകയായിരുന്നു.രണ്ടാമത്തെ ദൃശ്യം കൂടി പുറത്തുവന്നതോടെ തലശ്ശേരി പൊലീസ് ഇയാളെ അറസ്റ്റ് ചെയ്യുകയായിരുന്നു. ഇയാളെ പോലീസ് ചോദ്യം ചെയ്തു വരികയാണ്. സംഭവത്തില്‍ കുട്ടിയുടെ മൊഴി പോലീസ് വീണ്ടും രേഖപ്പെടുത്തി.നിര്‍ത്തിയിട്ടിരുന്ന കാറിലേയ്ക്ക് നോക്കിനില്‍ക്കുന്ന കുട്ടിയെ തലയ്ക്കടിച്ച ശേഷം ഷര്‍ട്ടിന്‍റെ കോളറില്‍പിടിച്ച് വലിച്ചു മാറ്റുന്നതിന്റെ ദൃശ്യങ്ങളാണ് പുതുതായി പുറത്തുവന്നത്.
കാറില്‍ ചാരി നിന്നതിന് കുട്ടിയെ ചവിട്ടിയ കേസില്‍ അറസ്റ്റിലായ മുഹമ്മദ് ഷിഹ്ഷാദ് കുട്ടിയുടെ തലയ്ക്കടിക്കുന്ന ദൃശ്യങ്ങളും പുറത്തുവന്നിരുന്നു.
English Summary: Six-year-old beaten up in Kannur: Another person arrested for hitting Ganesan’s head, video
You may also like this video
