പി കൃഷ്ണപിള്ളയുടെ പാദമുദ്രകൾ പതിഞ്ഞ കാരയിലെ പറൂപ്പറമ്പ് പുരയിടത്തിൽ സാമൂഹ്യനീതി കേന്ദ്രം ഉയരും. കോടികളുടെ കെട്ടിട സമുച്ചയമല്ല, അർത്ഥഗാംഭീര്യം കൊണ്ട്, പുത്തൻതലമുറയ്ക്കുവേണ്ടി കൃഷ്ണപിള്ള പകർന്നുനൽകിയ പാഠങ്ങൾ തുടിച്ചുനിൽക്കുന്ന മഹത്തരമായ സ്മാരകമായിരിക്കും ഇവിടെ നിർമിക്കുകയെന്ന് സിപിഐ സംസ്ഥാന സെക്രട്ടറി ബിനോയ് വിശ്വം അറിയിച്ചു. പി കൃഷ്ണപിള്ള സ്മാരക സാമൂഹ്യനീതി കേന്ദ്രം എന്ന നിലയിൽ പുതിയ തലമുറയ്ക്ക് ചരിത്രവഴികളിലേക്ക് വെളിച്ചം വീശുന്ന പഠനകേന്ദ്രമായി ഇത് മാറുമെന്ന് അദ്ദേഹം പറഞ്ഞു.
സഖാവിന്റെ ജന്മഗൃഹത്തിൽ സാമൂഹ്യനീതി കേന്ദ്രം ഉയരും
