ലഡാക്കിലെ പരിസ്ഥിതി പ്രവര്‍ത്തകന്‍ സോനം വാങ്ചുകിന് ഐക്യദാര്‍ഢ്യം പ്രകടിപ്പിച്ച് സമാധാനപരമായി നിരാഹാരസമരം ചെയ്തുവന്ന മനുഷ്യാവകാശപ്രവര്‍ത്തക മേധാപട്കറിനെ കസ്റ്റഡിയിലെടുത്തു. ഡല്‍ഹി ഗുലാബ് വാതികയില്‍ പ്രതിഷേധിച്ചുകൊണ്ടിരിക്കവെയാണ് മേധാ പട്കറിനെ ഡല്‍ഹി പൊലീസ് കസ്റ്റഡിയിലെടുത്തത്. മേധാ പട്കറിനൊപ്പം പ്രഫുല്‍ സാംത്ര, ഡോ. സുനിലം എന്നിവരെയും കസ്റ്റഡിയിലെടുത്തു.
ലഡാക്കിനെ സംരക്ഷിക്കണമെന്നും സംസ്ഥാന പദവി നല്‍കണമെന്നും ആവശ്യപ്പെട്ട് ഡല്‍ഹിയിലേക്ക് മാര്‍ച്ച് നടത്തിയ സോനം വാങ് ചുകിന്റെ നേതൃത്വത്തിലുളള സംഘത്തെ പൊലീസ് കഴിഞ്ഞ ദിവസം അറസ്റ്റ് ചെയ്തിരുന്നു. ഇവരെ വിട്ടയയ്ക്കണമെന്നാവശ്യപ്പെട്ടാണ് മേധാ പട്കര്‍ നിരാഹാരം ആരംഭിച്ചത്.