ദക്ഷിണാഫ്രിക്കയില്‍ ഗ്യാസ് ടാങ്കര്‍ പൊട്ടിത്തെറിച്ച് 27 പേര്‍ മരിച്ചു. ക്രിസ്മസ് വൈകുന്നേരം നഗരത്തിലെ ബോക്‌സ്‌ബർഗ് പ്രാന്തപ്രദേശത്തുണ്ടായ സ്‌ഫോടനത്തിൽ ടാംബോ മെമ്മോറിയൽ ഹോസ്പിറ്റലിലെ അത്യാഹിത വിഭാഗത്തിന്റെ മേല്‍ക്കൂര തകര്‍ന്നു. രണ്ട് വീടുകള്‍ക്കും കേടുപാടുണ്ടായി. അഞ്ഞൂറ് മീറ്റര്‍ ചുറ്റളവിലുണ്ടായിരുന്ന നിരവധി കാറുകള്‍ക്ക് കേടുപാട് സംഭവിക്കുകയും നൂറോളം പേര്‍ക്ക് പരിക്കേല്‍ക്കുകയും ചെയ്തു.
മരിച്ചവരില്‍ പത്ത് പേര്‍ ആരോഗ്യപ്രവര്‍ത്തകരാണ്. അപകടത്തെ തുടര്‍ന്ന് 18 പേര്‍ മരിച്ചുവെന്നായിരുന്നു പ്രാഥമിക വിവരം. എന്നാല്‍ ഗുരുതരമായി പൊള്ളലേറ്റ പലരും മരണത്തിന് കീഴടങ്ങുകയായിരുന്നു. സംഭവത്തില്‍ അട്ടിമറി ആരോപിച്ച് ട്രക്ക് ഡ്രൈവറെ അറസ്റ്റ് ചെയ്തിരുന്നുവെങ്കിലും തെളിവുകളുടെ അഭാവത്തില്‍ പിന്നീട് വിട്ടയയ്ക്കുകയായിരുന്നു.
English Summary: Death Count In South Africa Tanker Blast Jumps To 27
You may also like this video
