താരസംഘടന അമ്മയുടെ ഓഫീസില്‍ പരിശോധ നടത്താനായി പ്രത്യേക അന്വേഷണ സംഘം എത്തി.ഇത് രണ്ടാം തവണയാണ് പരിശോധനയ്ക്കായി അന്വേഷണസംഘം എത്തുന്നത്.ഇടവേള ബാബു,മുകേഷ് എന്നിവര്‍ക്കെതിരെയുള്ള ലൈംഗിക പീഡന പരാതിയില്‍ തെളിവ് ശേഖരിക്കാനായാണ് പ്രത്യേക സംഘം അമ്മയുടെ ഓഫീസില്‍ എത്തിയത്.
സംഘടനയിലെ അംഗത്വവുമായും ഭാരവാഹി തെരഞ്ഞെടുപ്പുമായും ബന്ധപ്പെട്ട കാര്യങ്ങള്‍ അന്വേഷിക്കാനാണ് പരിശോധന നടത്തിയത്.ഇടേള ബാബുവിനെതിരായ കേസില്‍ അന്വേഷണം നടത്തുന്ന സംഘമാണ് സ്ഥലത്തെത്തി പരിശോധന നടത്തിയത്.
അമ്മയില്‍ അംഗത്വം നല്‍കാമെന്ന് പറഞ്ഞ് ഇടവേള ബാബു തന്നെ ലൈംഗിക അതിക്രമം നടത്തിയെന്ന് ആലുവ സ്വദേശിനിയായ യുവതി പരാതി നല്‍കിയിരുന്നു.ഇത് സംബന്ധിച്ച് എറണാകുളം നോര്‍ത്ത് പൊലീസില്‍ പരാതിയുണ്ട്.ഇതുമായി ബന്ധപ്പെട്ട തെളിവുകളും അന്വേഷണ സംഘം പരിശോധിച്ചു.