ഇന്ത്യൻ ഭരണഘടന അംഗീകരിച്ചതിന്റെ 75-ാം വാർഷികത്തോടനുബന്ധിച്ച് പാർലമെന്റിന്റെ ഇരുസഭകളുടെയും പ്രത്യേക സംയുക്ത സമ്മേളനം നവംബർ 26ന് നടക്കും. ലോക്‌സഭയുടെയും രാജ്യസഭയുടെയും സംയുക്ത സമ്മേളനം സംവിധാൻ സദനിലെ സെൻട്രൽ ഹാളിലാണ് നടക്കുകയെന്നാണ് പുറത്തുവരുന്ന റിപ്പോര്‍ട്ടുകള്‍. 1949 നവംബർ 26നാണ് ഭരണഘടനാ അസംബ്ലി ഇന്ത്യൻ ഭരണഘടനയെ ഔദ്യോഗികമായി അംഗീകരിച്ചത്. 1950 ജനുവരി 26‑ന് ഭരണഘടന നിലവിൽ വന്നു. നേരത്തെ നവംബർ 26 ദേശീയ നിയമ ദിനമായി ആചരിച്ചിരുന്നു. 2015ൽ, ബി ആർ അംബേദ്കറുടെ 125-ാം ജന്മവാർഷികത്തിൽ നവംബർ 26 ഭരണഘടനാദിനമായി പ്രഖ്യാപിക്കുകയായിരുന്നു.
പാര്‍ലമെന്റ് പ്രത്യേക സമ്മേളനം നവംബര്‍ 26ന്
