അതിര്‍ത്തി കടന്ന് മീന്‍പിടിച്ചുവെന്നാരോപിച്ച് 14 ഇന്ത്യന്‍ മത്സ്യത്തൊഴിലാളികളെ ശ്രീലങ്കന്‍ നാവികസേന അറസ്റ്റ് ചെയ്തു. ശ്രീലങ്കയിലെ ജാഫ്‌നയിലെ ഈഴുവ ദ്വീപിനോട് ചേര്‍ന്ന് മീന്‍പിടിക്കുകയായിരുന്ന 14 തമിഴ് മത്സ്യത്തൊഴിലാളികളെയും അവരുടെ രണ്ട് മത്സ്യബന്ധന ബോട്ടുകളുമാണ് പിടികൂടിയത്. ഇവരെ ജാഫ്‌ന ഫിഷറീസ് വകുപ്പിന് കൈമാറി.
രാമേശ്വരം, മണ്ഡപം, എന്നിവിടങ്ങളില്‍ നിന്നുള്ളവരാണ് പിടിലായത്. 10 ബോട്ടുകള്‍ നേരത്തേ ശ്രീലങ്കന്‍ സേന പിടിച്ചെടുത്തിരുന്നു. 60 ബോട്ടുകള്‍ കൂടി തടഞ്ഞുവച്ചിട്ടുണ്ട്. ലങ്കയില്‍ പിടിയിലായവരെ വിട്ടയക്കാന്‍ കേന്ദ്രസര്‍ക്കാര്‍ അടിയന്തരമായി ഇടപെടണമെന്നാവശ്യപ്പെട്ട് രാമേശ്വരത്ത് പ്രതിഷേധം ശക്തമായി. ലങ്കയില്‍ ജയിലില്‍ കഴിയുന്നവരുടെ ബന്ധുക്കള്‍ ഇന്നു മുതല്‍ അനിശ്ചിതകാല നിരാഹാര സമരം തുടങ്ങുമെന്നും അറിയിച്ചിട്ടുണ്ട്.
english summary;Sri Lanka arrests 14 more Tamil fishermen
you may also like this video;
