സംസ്ഥാന സമ്മേളനം ചരിത്ര സംഭവമാക്കി മാറ്റാൻ പാർട്ടി പ്രവർത്തകരും വർഗ ബഹുജന സംഘടനാ പ്രവർത്തകരും സജീവമായി രംഗത്തിറങ്ങണമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. സംസ്ഥാന സമ്മേളനത്തിന്റെ സ്വാഗതസംഘം ഓഫീസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സംസ്ഥാന സമ്മേളനത്തിന്റെ തയാറെടുപ്പുകൾ നല്ല നിലയിൽ പുരോഗമിക്കുകയാണെന്നും അദ്ദേഹം അഭിപ്രായപ്പെട്ടു.
സ്വാഗതസംഘം ചെയർമാനായ ഭക്ഷ്യമന്ത്രി ജി ആർ അനിൽ അധ്യക്ഷനായി. റവന്യുമന്ത്രി കെ രാജൻ പ്രസംഗിച്ചു. സ്വാഗത സംഘം ജനറൽ കൺവീനർ മാങ്കോട് രാധാകൃഷ്ണൻ സ്വാഗതവും സംസ്ഥാന കൗൺസിൽ അംഗം പള്ളിച്ചൽ വിജയൻ നന്ദിയും പറഞ്ഞു.
സംസ്ഥാന കൗൺസിൽ അംഗങ്ങളായ ജെ വേണുഗോപാലൻ നായർ, വി പി ഉണ്ണികൃഷ്ണൻ, സോളമൻ വെട്ടുകാട്, ഇന്ദിരാ രവീന്ദ്രൻ, ഡെപ്യൂട്ടി മേയർ പി കെ രാജു തുടങ്ങിയവർ പങ്കെടുത്തു.
English Summary: State conference should be made a historic event: Kanam
You may like this video also
