2023‑ലെ സംസ്ഥാന ചലച്ചിത്ര അവാര്ഡുകളുടെ സമര്പ്പണം ഏപ്രില് 16 ന് വൈകിട്ട് 7 മണിക്ക് തിരുവനന്തപുരം നിശാഗന്ധി ഓഡിറ്റോറിയത്തില് നടക്കും. മുഖ്യമന്ത്രി പിണറായി വിജയൻ മുഖ്യാതിഥി ആയിരിക്കും. സാംസ്കാരിക വകുപ്പ് മന്ത്രി സജി ചെറിയാന് അധ്യക്ഷത വഹിക്കും. ജെ സി ഡാനിയേല് അവാര്ഡ് സംവിധായകന് ഷാജി എന് കരുണിന് സമ്മാനിക്കും.
പൃഥ്വിരാജ് സുകുമാരന്, ഉര്വശി, ബ്ലസി, വിജയരാഘവന്, റസൂല് പൂക്കുട്ടി, വിദ്യാധരന് മാസ്റ്റര്, ജിയോ ബേബി, ജോജു ജോര്ജ്, റോഷന് മാത്യൂ, സംഗീത് പ്രതാപ് തുടങ്ങി 48 ചലച്ചിത്രപ്രതിഭകള് പുരസ്കാരങ്ങള് ഏറ്റുവാങ്ങും. ചടങ്ങില് മന്ത്രിമാരായ വി ശിവന്കുട്ടി, കെ എന് ബാലഗോപാല്, കെ രാജന്, വി കെ പ്രശാന്ത് എംഎല്എ, മേയര് ആര്യാ രാജേന്ദ്രന്, ജില്ലാ പഞ്ചായത്ത് പ്രസിഡന്റ് അഡ്വ. ഡി സുരേഷ് കുമാര് തുടങ്ങിയവർ പങ്കെടുക്കും.