സംസ്ഥാന സർക്കാരിന്റെ ഓണക്കിറ്റ് വിതരണത്തിന്റെ സംസ്ഥാനതല ഉദ്ഘാടനം ഭക്ഷ്യമന്ത്രി ജി ആർ അനിൽ നിർവഹിച്ചു. തമ്പാനൂർ ഹൗസിങ് ബോർഡ് ജങ്ഷനിൽ നടന്ന ചടങ്ങില്‍ മന്ത്രിമാരായ ആന്റണി രാജു, വി ശിവൻകുട്ടി എന്നിവർ സംബന്ധിച്ചു. നാളെ മുതല്‍ 27 വരെ എല്ലാ ജില്ലകളിലും റേഷൻകടകളിലൂടെ ഓണക്കിറ്റുകൾ വിതരണം ചെയ്യും.
എഎവൈ കാർഡുടമകൾ അവരവരുടെ റേഷൻകടകളിൽ നിന്നാണ് ഓണക്കിറ്റുകൾ കൈപ്പറ്റേണ്ടത്. 5,87,691 എഎവൈ കാർഡുകാർക്കും 20,000 പേർ ഉൾപ്പെടുന്ന ക്ഷേമസ്ഥാപനങ്ങളിലെ താമസക്കാർക്കുമാണ് ഇത്തവണ ഓണക്കിറ്റുകൾ നൽകുന്നത്.
തുണി സഞ്ചി ഉൾപ്പെടെ 14 ഇനം ഭക്ഷ്യോല്പന്നങ്ങളാണ് ഇത്തവണ ഓണക്കിറ്റുകളിലൂടെ വിതരണം ചെയ്യുന്നത്. കഴിഞ്ഞ ആഴ്ച ചേർന്ന മന്ത്രിസഭാ യോഗമാണ് കിറ്റുകൾ വിതരണം ചെയ്യുന്നതിന് തീരുമാനമെടുത്തത്.
English Sammury: Onakkit distribution minister g r anil
