ഗാസയുടെ ദുരന്തം വേദിയിലെത്തിച്ച അടക്കാക്കുണ്ട് ക്രസന്റ് ഹയര്‍ സെക്കന്‍ഡറി സ്‌കൂളിലെ മിടുക്കികള്‍ക്ക് എ ഗ്രേഡ്. കുഞ്ഞുങ്ങളും സ്ത്രീകളുമടക്കം യുദ്ധക്കെടുതിയില്‍ പിടഞ്ഞു വീഴുകയും പാര്‍പ്പിടവും ഭക്ഷണവുമില്ലാതെ ദുരിതമനുഭവിക്കുകയും ചെയ്യുന്ന പലസ്തീന്‍ ജനതയുടെ നോവനുഭവങ്ങളെ പ്രമേയമാക്കിയാണ് ഹൈസ‌്കൂള്‍ വിഭാഗം അറബി സംഘഗാനവുമായി മിടുക്കികള്‍ കഴിഞ്ഞദിവസം വേദിയിലെത്തിയത്.
അവതരണ ഭംഗി കൊണ്ട് ഏവരുടെയും ശ്രദ്ധ നേടിയ സംഘ ഗാനത്തിന് സംഗീതം നിര്‍വഹിച്ച് കുട്ടികളെ പരിശീലിപ്പിച്ചത് അറബിക് അധ്യാപകനും സംഗീത സംവിധായകനും ഗായകനുമായ അനീസ് മാഷാണ്.
മുജീബ് എം മുഹമ്മദ് ചുങ്കത്തറയാണ് രചന. ഗാസയുടെ വേദനകള്‍ നിറഞ്ഞ നാളുകള്‍ മാറി അഭിമാനകരമായ ഒരു ഭാവി ഉടന്‍ പുലരുമെന്ന ശുഭ പ്രതീക്ഷയും ഗാനം നല്‍കുന്നു. നിറഞ്ഞ കയ്യടിയും നേടിയാണ് ടീം വേദി വിട്ടത്.
English Summary;State School kalolsavam; Tears of Gaza in Arabic hymn
You may also like this video
