കോഴിക്കോട് ട്രെയിനു നേരെ കല്ലേറ്. ആക്രമണത്തില്‍ രണ്ട് യാത്രക്കാര്‍ക്ക് പരിക്കേറ്റു. വെസ്റ്റ് ഹില്ലിനും എലത്തൂരിനുമിടയില്‍വച്ച് സമ്പര്‍ക്ക്ക്രാന്തി എക്‌സ്പ്രസിനു നേരെയാണ് കല്ലേറുണ്ടായത്. സംഭവത്തില്‍ ട്രെയിന്റെ രണ്ട് ഗ്ലാസുകള്‍ തകര്‍ന്നിട്ടുണ്ട്. തകര്‍ന്ന ഗ്ലാസിന്റെ അംശങ്ങള്‍ തലയിലും കയ്യിലും തെറിച്ചതിനെത്തുടര്‍ന്നാണ് യാത്രക്കാര്‍ക്ക് പരിക്കേറ്റത്.
പരിക്കേറ്റ യാത്രക്കാര്‍ കണ്ണൂര്‍ റെയില്‍വെ സ്‌റ്റേഷനില്‍ ഇറങ്ങി. ആര്‍പിഎഫ് ഉദ്യോഗസ്ഥര്‍ വെസ്റ്റ് ഹില്ലിനും എലത്തൂരിനുമിടയില്‍ പരിശോധന നടത്തിയെങ്കിലും കല്ലെറിഞ്ഞതാരാണെന്ന് കണ്ടെത്താനായിട്ടില്ല. നിലവില്‍ കോഴിക്കോട് ആര്‍പിഎഫ് കേസെടുത്ത് അന്വേഷണം ആരംഭിച്ചിട്ടുണ്ട്.
English Summary: Stones pelted at train running in Kozhikode: Two passengers injured
You may also like this video
