നിലമ്പൂരില്‍ 12 പേരെ കടിച്ചു പരിക്കേല്‍പ്പിച്ച് തെരുവുനായ. നിലമ്പൂര്‍ ടൗണിന്റെ വിവിധ ഭാഗങ്ങളിലാണ് തിങ്കളാഴ്ച രാവിലെ മുതല്‍ തെരുവ് നായയുടെ പരാക്രമണമുണ്ടായത്. വൈകുന്നേരത്തോടെയാണ് ഇത് ശക്തമായി. നായയെ കണ്ടവര്‍ പരിഭ്രാന്തരായി ചിതറിയോടുന്ന അവസ്ഥയായിരുന്നു. നിലമ്പൂര്‍ ബസ് സ്റ്റാന്റ്, വീട്ടിക്കുത്ത് റോഡ് ജങ്ഷന്‍, വീട്ടിക്കുത്ത് റോഡ്, എല്‍ ഐ സി റോഡ്, കല്ലേമ്പാടം, ചക്കാലക്കത്ത് ഭാഗങ്ങളിലാണ് നായയുടെ പരാക്രമണമുണ്ടായത്.
ചന്തക്കുന്ന് ചോവാലി കുഴിയില്‍ മനു (32),വല്ലപ്പുഴ മൂരിക്കല്‍ നൂര്‍ജഹാന്‍ (38) വടക്കുംമ്പാടം കൊല്ലം വീട്ടില്‍ അഖില്‍ (19), പുല്‍വെട്ട പൂങ്ങോട് വര്‍ഷ (18), ഊര്‍ങ്ങാട്ടിരി കണ്ണംതൊടിക നൗഷാദ് (43), നിലമ്പൂര്‍ കോവിലകത്തുമുറി യു ടി രാമചന്ദ്രന്‍ (63), വീട്ടിക്കുത്ത് മംഗള ഭവന്‍ കൃഷ്ണന്‍ (52)പെരിന്തല്‍മണ്ണ ജൂബിലി റോഡിലെ ക്കോട്ടുങ്ങല്‍ ഇസ്മായില്‍ (64) ചന്തക്കുന്ന് വെള്ളിയംപാടം ശ്രീനിവാസന്‍ (52) കല്ലേമ്പാടം പടിക്കല്‍ പുത്തന്‍വീട് പ്രിന്‍സ് (10), പള്ളിക്കുന്നത്ത് സ്വദേശി ജെസി രാജു (49), ബംഗാള്‍ സ്വദേശി സൗരവ് വിശ്വാസ് (5) എന്നിവര്‍ക്കാണ് നായയുടെ കടിയേറ്റത്. ഇവര്‍ക്ക് നിലമ്പൂര്‍ ജില്ലാ ആശുപത്രിയില്‍ എത്തിച്ച് വാക്സിന്‍ നല്‍കി.
പരാക്രമം നടത്തിയ നായയെ പിടികൂടാന്‍ എമര്‍ജന്‍സി റസ്‌ക്യു ഫോഴ്സിന്റെ നേതൃത്വത്തില്‍ തിങ്കളാഴ്ച ഉച്ചമുതല്‍ ശ്രമം നടത്തിയെങ്കിലും വിജയിച്ചിട്ടില്ല. വിവിധ സ്ഥലങ്ങളില്‍ നായയെ കണ്ടെങ്കിലും അക്രമാസക്തമായതിനാല്‍ പിടികൂടാന്‍ കഴിഞ്ഞില്ല.
English summary; Stray dog bites and injures 12 people
You may also like this video;
