ഒറ്റപ്പാലത്തിനടുത്ത് ശക്തമായ മലവെള്ളപ്പാച്ചിൽ; നിരവധി വീടുകൾക്ക് നാശനഷ്ടം

പാലക്കാട് ഒറ്റപ്പാലം അനങ്ങനടിയിൽ ശക്തമായ മഴവെള്ളപ്പാച്ചില്‍ അനങ്ങൻ മലയ്ക്ക് മുകളിൽ നിന്നും വെള്ളം താഴ്വാര മേഖലയിലേക്ക് ശക്തിയാർജ്ജിച്ച് കുത്തിയൊഴുകുകയായിരുന്നു. പ്രദേശത്തെ നിരവധി വീടുകളിലും വ്യാപാര സ്ഥാപനങ്ങളിലും വെള്ളം കയറി.
ശക്തമായ വെള്ളപ്പാച്ചിലിൽ റോഡരികിൽ നിർത്തിയിട്ടിരുന്ന വാഹനങ്ങളും വെള്ളത്തിൽ മുങ്ങി. പ്രദേശത്ത് ഏറെനേരം വാഹന ഗതാഗതം തടസ്സപ്പെട്ടു. സ്കൂളുകൾ വിട്ട നേരമായതിനാൽ വിദ്യാർഥികളുടെ ഉൾപ്പെടെ യാത്ര ബുദ്ധിമുട്ടിലായി. അനങ്ങൻ മലയുടെ വിവിധ ഭാഗങ്ങളിൽ സമാന സംഭവങ്ങൾ നേരത്തെയും ഉണ്ടായിട്ടുണ്ടെന്നാണ് വിവരം.

Eng­lish Summary:Strong moun­tain flash near Otta­palam; Many hous­es were damaged
You may also like this video