ക്ലാസെടുത്തുകൊണ്ടിരിക്കുന്നതിനിടെ അധ്യാപകനെ വിദ്യാർത്ഥി കുത്തിക്കൊന്നു. അസമിലെ ശിവസാഗർ ജില്ലയിലാണ് സംഭവം. കെമിസ്ട്രി അധ്യാപകനായ രാജേഷ് ബാറൂഹ് ബെജവാദയെ(55)ആണ് പ്ലസ്‍വൺ വിദ്യാർത്ഥി കുത്തിക്കൊന്നത്. വിദ്യാർഥിയെ പൊലീസ് അറസ്റ്റ് ചെയ്തു.
മാർക്ക് കുറഞ്ഞതിന്റെ പേരിൽ വിദ്യാർഥിയെ അധ്യാപകൻ ശകാരിച്ചിരുന്നു. ഇതിന്റെ പേരിലാണ് കൊല നടത്തിയതെന്നാണ് പ്രാഥമിക നിഗമനം. ക്ലാസിലെത്തിയ വിദ്യാർഥി കത്തിയെടുത്ത് അധ്യാപകനെ കുത്തുകയായിരുന്നുവെന്ന് മറ്റ് വിദ്യാര്‍ത്ഥികള്‍ പറഞ്ഞു. ഗുരുതരമായി പരിക്കേറ്റ അധ്യാപകനെ ആശുപത്രിയിലെത്തിച്ചെങ്കിലും മരിച്ചിരുന്നു. കുത്താനുപയോഗിച്ച കത്തിയും ക്ലാസ്മുറിയിൽ നിന്ന് കണ്ടെടുത്തു.
English Summary:Student stabs teacher to death in Assam
You may also like this video
