കൊല്ലം പട്ടാഴിയിൽ നിന്ന് കാണാതായ വിദ്യാർത്ഥികളെ കല്ലടയാറ്റിൽ മരിച്ച നിലയിൽ കണ്ടെത്തി. ആദിത്യൻ, അമൽ എന്നിവരുടെ മ്യതദേഹമാണ് കല്ലടയാറ്റിൽ ആറാട്ടുപുഴ പാറക്കടവിന് സമീപം കണ്ടെത്തിയത്. പട്ടാഴി വടക്കേക്കര പഞ്ചായത്തിൽ ഏറത്തു വടക്ക് സ്വദേശി
അനി, ശ്രീജ ദമ്പതികളുടെ മകൻ അമൽ, ആദേശിന്റെയും സരിതയുടെയും മകൻ ആദിത്യൻ (14) എന്നിവരാണ് മരണപ്പെട്ടത്.
കൊട്ടാരക്കര വെണ്ടാർ ശ്രീവിദ്യാദിരാജാ സ്കൂളിലെ വിദ്യാർത്ഥീകളെ ഒൻപതാംക്ലാസ് വിദ്യാർത്ഥികളാണ് ഇരുവരും. ഇന്നലെ ഉച്ചമുതലാണ് കുട്ടികളെ കാണാതായത്. പട്ടാഴിദേവീക്ഷേത്രത്തിലെ ഉത്സവത്തിന് പോയതാകാമെന്നാണ് രക്ഷിതാക്കൾ കരുതിയത്. രാത്രി വൈകിയും വീട്ടിൽ എത്താതിരുന്നതോടെ പത്തനാപുരം പോലീസിൽ പരാതി നൽകി നാട്ടുകാരും തിരച്ചിൽ നടത്തി വരികയായിരുന്നു. ഇതിനിടെയാണ് ഇന്ന് രാവിലെ ആറരയോടെ മ്യതദേഹങ്ങൾ കണ്ടെത്തിയത്. കുളിക്കാൻ ഇറങ്ങവെ അപകടത്തിൽപെട്ടതാകാമെന്നാണ് പോലീസ് നിഗമനം.
English Summary: Students missing from Pattazhi found dead in Kalladayat
You may also like this video
