ഡൽഹിയിൽ വച്ച് നടക്കുന്ന റിപ്പബ്ലിക് ദിനപരേഡിൽ പങ്കെടുക്കാൻ ഒണ്‍ കേരള ബറ്റാലിയൻ എൻ സി സി ക്ക് കീഴിലുള്ള പട്ടം സെൻറ് മേരീസ് ഹയർ സെക്കൻഡറി സ്കൂളിലെ കേഡറ്റായ ദിയ എൻ രാജ് , ആൽഫിൻ, ആദിത്യൻ എന്നിവർ തെരഞ്ഞെടുക്കപ്പെട്ടു. എന്‍ സി സി അണ്ടർ ഓഫീസർ ആണ് ദിയ എന്‍ രാജ്. വിവിധ ക്യാമ്പുകളിൽ മികവ് തെളിയിച്ചാണ് ആർ ഡി ക്യാമ്പിലേക്ക് തിരഞ്ഞെടുക്കപ്പെട്ടത്. പാങ്ങോട് മിലിട്ടറി ക്യാമ്പില്‍ വച്ചായിരുന്നു പ്രത്യേക പരിശീലനം നടന്നത്.
ദിയ എൻ രാജ്
ഒരു മാസം മുമ്പാണ് ഇവർ ഡൽഹിയിൽ എത്തിയത്. ഇവരെ കമാൻഡിങ് ഓഫീസർ കേണൽ വിനീത് മേഥ, അസോസിയേറ്റ് എൻ സി സി ഓഫീസർ ലെഫ്റ്റ്നറ്റ് ഹെലൻ പുഷ്പാരതി എന്നിവർ അഭിനന്ദിച്ചു. പട്ടം സെൻമേരിസ് ഹയർസെക്കൻഡറി സ്കൂളിലെ പ്ലസ് ടു ബയോ മാക്സ് വിദ്യാർത്ഥിയാണ് ദിയ എന്‍ രാജ്. ഡൽഹിയിൽ നിന്ന് തിരിച്ചെത്തിയ ശേഷം നടക്കുന്ന ഗവർണർ പങ്കെടുക്കുന്ന പരിപാടിയിലും ഇവർക്ക് പങ്കെടുക്കാനാവും.
English Summary;Students of Pattam St. Mary’s Higher Secondary School to participate in the Republic Day Parade
You may also like this video
