ഇന്ത്യന്‍ സ്വാതന്ത്ര്യദിനത്തിന്റെ 75-ാം വാര്‍ഷികാഘോഷങ്ങള്‍ വര്‍ണാഭമാക്കി തൃശൂര്‍ സെന്റ്. ക്ലെയേഴ്സ് സി ജി എച്ച് എസിലെ എണ്ണൂറോളം വിദ്യാര്‍ത്ഥികളും അധ്യാപകരും. എണ്ണൂറോളം വിദ്യാര്‍ത്ഥികളാണ് ചടങ്ങില്‍ പങ്കെടുത്തത്. പ്രധാനാധ്യാപിക സി ഷൈല തെരേസിന്റെ നേതൃത്വത്തിലാണ് സ്വാതന്ത്ര്യദിനത്തിനുമുന്നോടിയായി വാര്‍ഷികാഘോഷ ചടങ്ങുകള്‍ സംഘടിപ്പിച്ചത്. സ്വാതന്ത്ര്യത്തിന്റെ വര്‍ഷങ്ങളെ ഓര്‍മ്മിപ്പിച്ച്, വിദ്യാര്‍ത്ഥിനികള്‍ 75 എന്ന അക്കത്തിനുസമാനമായി റാലിയില്‍ നിരന്ന് നില്‍ക്കുകയും ചെയ്തു.
ഭാരതാംബ, കൈയൊപ്പ് പതിപ്പിച്ച ബാനര്‍, ബലൂണുകള്‍, ത്രിവര്‍ണ പതാകകള്‍ എന്നിവയോടെ വര്‍ണാഭമായ റാലിയായിരുന്നു ബിഷപ്പ് പാലസ് റോഡിനെ വര്‍ണാഭമാക്കിയത്. ഇതിനുപുറമെ വിദ്യാലയാങ്കണത്തില്‍ ഗാന്ധിമരം നട്ടും സ്വാതന്ത്ര്യത്തിന്റെ വാര്‍ഷികാഘോഷം അതിമനോഹരമായി ആചരിച്ചു.
English Summary: Students of St. Clair’s Thrissur celebrate 75th anniversary of independence with colour
You may like this video also
