സുഭദ്ര വധക്കേസില്‍ പുതിയ കണ്ടെത്തല്‍.ഇപ്പോള്‍ അറസ്റ്റിലായ പ്രതികളുടെ സുഹൃത്തിനും കൃത്യത്തില്‍ പങ്കുണ്ടന്ന് തെളിഞ്ഞു.ഇയാളെയും പൊലീസ് അറസ്റ്റ് ചെയ്തു.ദമ്പതികളുടെ സുഹൃത്തായ റൈനോള്‍ഡാണ് അറസ്റ്റിലായത്.ഇവര്‍ മൂന്നുപേരും ചേര്‍ന്ന് പദ്ധതി തയ്യാറാക്കി സുഭദ്രയെ കോര്‍ത്തുശ്ശേരിയിലുള്ള വീട്ടിലെത്തിച്ച് കൊലപ്പെടുത്തുകയായിരുന്നു.
വയോധികയുടെ ആഭരണങ്ങള്‍ കൈക്കലാക്കാനാണ് ഇവര്‍ കൃത്യം നടത്തിയത്.ഓഗസ്റ്റ് 4 മുതല്‍ വിവിധ ദിവസങ്ങളില്‍ ഉറക്കഗുളിക നല്‍കി ബോധം കെടുത്തി സുഭദ്രയുടെ സ്വര്‍ണാഭരണങ്ങള്‍ ഓരോന്നായി മോഷ്ടിച്ചെടുത്തു.ഓഗസ്റ്റ് 7ന് ആഭരണങ്ങള്‍ നഷ്ടപ്പെട്ടത് ശ്രദ്ധയില്‍പ്പെട്ട സുഭദ്ര അത് തിരികെ നല്‍കിയില്ലെങ്കില്‍ പൊലീസില്‍ പരാതി നല്‍കുമെന്ന് പറഞ്ഞു.ഇതോടെ മൂവരും ചേര്‍ന്ന് ഇവരെ കഴുത്ത് ഞെരിച്ച് കൊലപ്പെടുത്തുകയായിരുന്നു.