ടീം ഇന്ത്യ യുടെ നേതൃത്വത്തിൽ ഭിന്ന ശേഷിക്കാരായ കുട്ടികൾക്കായി ഷാർജ ഇന്ത്യൻ അസോസിയേഷനിൽ സംഘടിപ്പിച്ച ‘വേനൽ കൂട്ടം’ ത്രിദിന സമ്മർ ക്യാമ്പിനോടനുബന്ധിച്ചുള്ള സമാപന സമ്മേളനവും സമ്മാന‑സർട്ടിഫിക്കറ്റ് വിതരണവും അസോസിയേഷൻ ജനറൽ സെക്രട്ടറി ശ്രീപ്രകാശ് പുറയത്ത് ഉദ്ഘാടനം ചെയ്തു. ടീം ഇന്ത്യ പ്രസിഡണ്ട് ശശി വാരിയത്ത് അദ്ധ്യക്ഷത വഹിച്ചു. അസോസിയേഷൻ ആക്ടിംഗ് ട്രഷറർ പി.കെ.റെജി, ജോയിന്റ് ജനറൽ സെക്രട്ടറി ജിബി ബേബി, ടീം ഇന്ത്യ വൈസ് പ്രസിഡണ്ടുമാരായ കെ.ടി നായർ,ഇസ്മായിൽ റാവുത്തർ,വിജിത ഗിരീഷ് എന്നിവർ സംസാരിച്ചു. ജനറൽ സെക്രട്ടറി അനിൽ ലാൽ സ്വാഗതവും ട്രഷറർ രവി തങ്കപ്പൻ നന്ദിയും പറഞ്ഞു. ചിത്രരചന,കളറിംഗ്, മ്യൂസിക്കൽ തെറാപ്പി.വായന, ടീം ബിൽഡിംഗ് എക്‌സർസൈസ്, സൗഹൃദ മത്സരങ്ങൾ തുടങ്ങി വിവിധങ്ങളായ പരിപാടികൾ ഭിന്ന ശേഷിക്കാരായ കുട്ടികളിൽ നവ്യാനുഭൂതി പകർന്നു. സമാപന സമ്മേളനത്തോടനുബന്ധിച്ച് വിവിധ കലാപരിപാടികളും അരങ്ങേറി.
English Summary;Summer camp ”Venalkoottam” by team india concluded
You may also like this video
