എപിജെ അബ്ദുല്‍ കലാം സാങ്കേതിക സര്‍വകലാശാല വിസി നിയമനം സുപ്രീം കോടതി റദ്ദാക്കി. ഡോ. രാജശ്രീയുടെ നിയമനമാണ് റദ്ദാക്കിയത്. യുജിസി ചട്ടപ്രകാരമല്ല നിയമനമെന്ന് ചൂണ്ടിക്കാട്ടി ജസ്റ്റിസുമാരായ എം ആര്‍ ഷാ, സി ടി രവികുമാര്‍ എന്നിവര്‍ അടങ്ങിയ ബെഞ്ചാണ് നിയമനം റദ്ദാക്കിയത്. നിയമനം സംസ്ഥാന നിയമപ്രകാരമെന്ന വിസിയുടെ വാദം കോടതി തള്ളുകയായിരുന്നു.
2019 ഫെബ്രുവരി രണ്ടിനാണ് ഡോ. രാജശ്രീ എം എസിനെ സാങ്കേതിക സര്‍വകലാശാല വൈസ് ചാന്‍സലറായി നിയമിച്ച് ഗവര്‍ണര്‍ ഉത്തരവ് ഇറക്കിയത്. എന്നാല്‍ ഈ നിയമനം യുജിസി ചട്ടങ്ങള്‍ പ്രകാരം അല്ലെന്ന് ചൂണ്ടിക്കാട്ടി കുസാറ്റിലെ (കൊച്ചി ശാസ്ത്ര സാങ്കേതിക സര്‍വകലാശാല) എന്‍ജിനീയറിങ് ഫാക്കല്‍റ്റി മുന്‍ ഡീന്‍ ഡോ. ശ്രീജിത്ത് പി എസ് ഹര്‍ജി സമര്‍പ്പിക്കുകയായിരുന്നു.
English Summary: Supreme Court quashed appointment of VC Rajshree
You may also like this video
