തന്നെ പിടികിട്ടാപ്പുള്ളിയായി പ്രഖ്യാപിക്കാനുള്ള മുംബൈ കോടതിയുടെ നടപടികള്‍ ചോദ്യം ചെയ്ത് വിവാദ വ്യവസായി വിജയ് മല്യ സമര്‍പ്പിച്ച ഹര്‍ജി സുപ്രീം കോടതി തള്ളി. തന്റെ കക്ഷിയുമായി ബന്ധപ്പെടാന്‍ സാധിച്ചില്ലെന്നും വിഷയത്തില്‍ നിര്‍ദേശങ്ങള്‍ ലഭിച്ചിട്ടില്ലെന്നും കോടതിയില്‍ വാദം കേള്‍ക്കവെ വിജയ് മല്യയുടെ അഭിഭാഷന്‍ ബോധിപ്പിച്ചു.
അതിനു പിന്നാലെ സുപ്രീംകോടതി ഹര്‍ജി തള്ളുകയായിരുന്നു. കഴിഞ്ഞ വർഷം നവംബറിൽ തന്നെ വക്കാലത്തില്‍ നിന്നും ഒഴിവാക്കണമെന്ന് അഭിഭാഷകൻ ആവശ്യപ്പെട്ടിരുന്നു. 2016 മാര്‍ച്ചിലാണ് ഇന്ത്യയിലെ വിവിധ ബാങ്കുകളില്‍ നിന്ന് 9000കോടി വായ്പയെടുത്ത് തിരിച്ചടക്കാതെ വിജയ് മല്യ ബ്രിട്ടനിലേക്ക് മുങ്ങിയത്.
English Summary: Supreme Court rejects Vijay Mallya’s plea
You may also like this video
