തീവ്ര വോട്ടര് പട്ടിക പരിഷ്കരണവുമായി ബന്ധപ്പെട്ട ഹര്ജികള് ഇന്ന് സുപ്രീംകോടതി പരിഗണിക്കും. എസ്ഐആര്ലെ ഭരണഘടന സാധുത ചോദ്യം ചെയ്തുള്ള ഹര്ജികള് ആണ് ചീഫ് ജസ്റ്റീസ് സൂര്യകാന്ത് അധ്യക്ഷനായ ബെഞ്ച് പരിഗണിക്കുക.ബീഹാറിലെ വോട്ടർ പട്ടിക പരിഷ്കരണവുമായി ബന്ധപ്പെട്ട സുപ്രീംകോടതിയിൽ എത്തിയ ഹർജികളും ഒപ്പം മറ്റ് സംസ്ഥാനങ്ങളിലെ എസ്ഐആറു മായി ബന്ധപ്പെട്ട ഹർജികളും കോടതി പരിഗണനയിൽ ഉണ്ട്.
കേരളത്തിലെ വോട്ടർ പട്ടിക പരിഷ്കരണവുമായി ബന്ധപ്പെട്ട ഹർജികൾ ഈ മാസം 15നാണ് സുപ്രീംകോടതി ലിസ്റ്റ് ചെയ്തിരിക്കുന്നത്.യുപിയിലെ വോട്ടർ പട്ടിക പരിഷ്കരണവുമായി ബന്ധപ്പെട്ടുള്ള കരട് പട്ടിക ഇന്ന് തെരഞ്ഞെടുപ്പ് കമ്മീഷൻ പ്രസിദ്ധീകരിക്കും.അതെ സമയം പശ്ചിമ ബംഗാൾ മുഖ്യമന്ത്രി മമത ബാനർജി ഇന്ന് വീണ്ടും സുപ്രീംകോടതിയെ സമീപിക്കുമെന്ന് അറിയിച്ചിട്ടുണ്ട്. തീവ്ര വോട്ടർപട്ടിക പരിഷ്കരണ നടപടികളിൽ സമ്മർദം താങ്ങാൻ കഴിയാതെ ബി എൽ ഒമാർ ആത്മഹത്യ ചെയ്തത് ഉൾപ്പെടെ വിഷയങ്ങൾ കോടതിക്ക് മുന്നിൽ ഉന്നയിക്കുന്നത് മമത ബാനർജി വ്യക്തമാക്കിയിട്ടുള്ളത്.