സിപിഐ എം പഠനഗവേഷണ കേന്ദ്രമായ ഹർകിഷൻ സിങ് സുർജിത്ത് ഭവനിൽ പാർട്ടി ക്ലാസിനും വിലക്കേര്‍പ്പെടുത്തി ഡൽഹി പൊലീസ്. സിപിഐ എം ജനറൽ സെക്രട്ടറി സീതാറാം യെച്ചൂരി പങ്കെടുക്കേണ്ട പരിപാടി തടയാനാണ് നീക്കം. ജി 20 യുടെ പേരിലാണ് വിലക്ക്.
കഴിഞ്ഞ ദിവസം സുർജിത്ത് ഭവനിൽ ‘ജി 20’ ക്കെതിരെ സംഘടിപ്പിച്ച ‘വി 20’ സെമിനാർ നടത്തുന്നത് പൊലീസ് തടഞ്ഞിരുന്നു. സുർജിത്ത് ഭവന്റെ ഗേറ്റുകൾ പൂട്ടിയ പൊലീസ് ആരേയും അകത്തേക്ക് പ്രവേശിപ്പിച്ചിരുന്നില്ല. സെമിനാർ നടത്താൻ അനുമതി തേടിയില്ല എന്ന് പറഞ്ഞാണ് പരിപാടി തടഞ്ഞത്.
മോഡിയുടെ ഭരണത്തിൽ സ്വതന്ത്ര്യമായി സെമിനാറുകൾ പോലും സംഘടിപ്പിക്കാൻ കഴിയാത്ത സ്ഥിതിയാണുള്ളതെന്നും ഈ നടപടി അപലപനീയമാണെന്നും യെച്ചൂരി പ്രതികരിച്ചു. നിയമനടപടി സ്വീകരിക്കുമെന്നും പറഞ്ഞു.
English Summary:Surjit Bhavan also banned party class by police
You may also like this video
