ഗവര്ണറുടെ ഔദ്യോഗിക വസതിയായ രാജ് ഭവനില് ഉപയോഗിക്കേണ്ടത് ഇന്ത്യന് ഭരണഘടന അനുശാസിക്കുന്ന ചിഹ്നങ്ങളും അടയാങ്ങളുമാകണമെന്ന് സംസ്ഥാന നിയമവകുപ്പിന്റെ ചുമതല കൂടിയുള്ള മന്ത്രി പി രാജീവ് അഭിപ്രായപ്പെട്ടു.വീണ്ടും രാജ് ഭവനില് ആര്എസ്എസ്ഭാരതമാതാവിന്റെ ചിത്രം പ്രദര്ശിപ്പിച്ചതിനെ തുടര്ന്ന് മന്ത്രി വി ശിവന്കുട്ടി രാജ്ഭവനിലെ പരിപാടി ബഹിഷ്കരിച്ച സംഭവത്തില് പ്രതികരണവുമായി മന്ത്രി പി രാജീവ് എത്തിയത് രാജ്ഭവന് ഭരണഘടനപരമായ സ്ഥാപനമാണ്.
ഭരണഘടനാപരമായ കാര്യങ്ങള് നടപ്പിലാക്കാനാണു ശ്രമിക്കേണ്ടതെന്നും അദ്ദേഹം കൂട്ടിച്ചേര്ത്തു. സ്കൗട്ട് ആൻഡ് ഗൈഡ്സ് രാജ്പുരസ്കാർ സർട്ടിഫിക്കറ്റ് വിതരണച്ചടങ്ങിൽ നിന്നാണ് മന്ത്രി ശിവന്കുട്ടി ഇറങ്ങിപ്പോയത്.കാവി കൊടി പിടിച്ച ഭാരത മാതാവിന്റെ ചിത്രം ചടങ്ങിൽ നിന്നും ഒഴിവാക്കിയിരുന്നില്ല.ഇതേ തുടർന്നാണ് മന്ത്രി പരിപാടി ബഹിഷ്കരിച്ചത്.എന്റെ രാജ്യം ഇന്ത്യയാണ്. ഭരണഘടനയാണ് നമ്മുടെ രാജ്യത്തിന്റെ നട്ടെല്ല്. മറ്റൊരു രാഷ്ട്ര സങ്കല്പവും അതിന് മുകളിൽ അല്ല എന്ന്പറഞ്ഞാണ് മന്ത്രി പരിപാടിയിൽ നിന്ന് ഇറങ്ങിപ്പോയത്.
കഴിഞ്ഞ പരിസ്ഥിതി ദിനത്തിൽ രാജ്ഭവനിലെ പരിപാടിയിൽ ഈ ചിത്രം വെച്ചത് വിവാദമാകുകയും അന്ന് പങ്കെടുക്കാനെത്തിയ കൃഷിവകുപ്പ് മന്ത്രി പി പ്രസാദ് പരിപാടി ബഹിഷ്കരിക്കുകയും ചെയ്തിരുന്നു. ഇതിൽ സർക്കാർ ശക്തമായ പ്രതിഷേധം അറിയിച്ചതോടെ രാജ്ഭവൻ നടത്തുന്ന പരിപാടികളിൽ ഈ ചിത്രം ഉണ്ടാകില്ലെന്ന് ഉറപ്പ് നൽകിയതാണ്. ഈ ഉറപ്പാണ് വീണ്ടും രാജ്ഭവൻ ലംഘിച്ചിരിക്കുന്നത്.