വെസ്റ്റിന്‍ഡീസിനെതിരായ ടി20 ക്രിക്കറ്റ് പരമ്പരയിലെ ആദ്യ മത്സരത്തിനായി ഇന്ത്യ ഇന്നിറങ്ങും. ഇന്ത്യന്‍ സമയം രാത്രി എട്ടിനാണ് മത്സരം. ഏകദിന പരമ്പരയില്‍ വിശ്രമത്തിലായിരുന്ന ക്യാപ്റ്റന്‍ രോഹിത് ശര്‍മ തിരിച്ചെത്തി. നേരത്തെ ഇംഗ്ലണ്ടിനെതിരെയും ടി20 പരമ്പര സ്വന്തമാക്കിയ ഇന്ത്യ ആത്മവിശ്വാസത്തോടെയാകും ഇറങ്ങുക. എന്നാല്‍ ഏകദിനത്തില്‍ നിന്നും ടി20യിലേക്ക് വരുമ്പോള്‍ വിന്‍ഡീസ് അതിശക്തരായ ടീമാണ്. കൂറ്റനടിക്കാര്‍ വാഴുന്ന വിന്‍ഡീസിനെ എളുപ്പത്തില്‍ തകര്‍ക്കാന്‍ ഇന്ത്യക്ക് സാധിച്ചേക്കില്ല.
ഏകദിന പരമ്പരയില്‍ തിളങ്ങിയ സഞ്ജുവിന് ടി20ടീമില്‍ ഇടമില്ല. ദീപക് ഹൂഡയും ദിനേഷ് കാര്‍ത്തികും ടീമില്‍ സ്ഥാനം പിടിച്ചപ്പോഴും സഞ്ജുവിനെ തഴഞ്ഞു. ടി20 ലോകകപ്പ് ഒക്ടോബറില്‍ നടക്കാനിരിക്കെ ദിനേഷ് കാര്‍ത്തികിനും ശ്രേയസ് അയ്യരിനും അക്ഷര്‍ പട്ടേലിനുമെല്ലാം ടീമില്‍ ഇടം പിടിക്കാന്‍ വിന്‍ഡീസ് ടി20 പരമ്പരയില്‍ തിളങ്ങേണ്ടതായുണ്ട്. അല്ലാത്ത പക്ഷം ഇവരുടെ ലോകകപ്പ് ടീമിലിടം പിടിക്കാനുള്ള സാധ്യതകള്‍ ചുരുങ്ങും.
English Summary:T20- india westindies match
You may also like this video
