ഇടുക്കിയില്‍ പോക്സോ കേസിൽ അധ്യാപകൻ അറസ്റ്റില്‍. പീരുമേടിലാണ് സംഭവം. പാമ്പനാർ സ്വദേശി സി സുരേഷ് (45) നെയാണ് വിദ്യാര്‍ത്ഥിനിക്ക് നേരെ ലൈംഗികാതിക്രമം നടത്തിയതിന് പീരുമേട് പൊലീസ് അറസ്റ്റ് ചെയ്തത്. സ്‌കൂളിൽ ഉച്ചഭക്ഷണ ഇടവേളയിൽ അധ്യാപകൻ വിദ്യാർത്ഥിനിയെ കടന്നുപിടിക്കുകയായിരുന്നു. കുട്ടി മാതാപിതാക്കളെ വിവരമറിയിക്കുകയും തുടര്‍ന്ന് പൊലീസില്‍ പരാതി നല്‍കുകയുമായിരുന്നു.
സ്‌കൂൾ ഹെഡ്മാസ്റ്ററിൻ്റെ സാന്നിധ്യത്തില്‍ രക്ഷകർത്താവ് പൊലീസിൽ പരാതി നൽകി. കസ്റ്റഡിയിൽ എടുത്ത പ്രതിയെ പീരുമേട് കോടതിയില്‍ ഹാജരാക്കി റിമാൻഡ് ചെയ്തു.
English Summary: Teacher arrested in POCSO case in Idukki
You may also like this video
