ചാണ്ടി ഉമ്മനൊപ്പം ക്ഷേത്ര ദര്‍ശനം നടത്തിയ സംഭവത്തില്‍ യുവമോര്‍ച്ച നേതാവ് ആശാനാഥിനെതിരെ കടുത്ത നടപടി. യുവമോര്‍ച്ച സംസ്ഥാന സെക്രട്ടറി പദവിയില്‍ നിന്ന് ആശാനാഥിനെ മാറ്റിയതായാണ് വിവരം. യുവമോര്‍ച്ച സംസ്ഥാന ഭാരവാഹി യോഗത്തിലാണ് ആശാനാഥിനെ യുവമോര്‍ച്ച സംസ്ഥാന സെക്രട്ടറി പദവിയില്‍ നിന്ന് മാറ്റാന്‍ തീരുമാനമായത്. കൂടാതെ തിരുവനന്തപുരത്ത് നടക്കുന്ന യോഗത്തില്‍ ആശയെ പങ്കെടുപ്പിച്ചതുമില്ല.
പുതുപ്പള്ളി തെരഞ്ഞെടുപ്പിന് പിന്നാലെ ചാണ്ടി ഉമ്മന്‍ എംഎല്‍എക്കൊപ്പം ആശാനാഥ് ക്ഷേത്രദര്‍ശനം നടത്തിയത് വിവാദമായിരുന്നു. പുതുപ്പള്ളിയില്‍ ബിജെപി വോട്ട് കച്ചവട വിവാദം നിലനില്‍ക്കെ ചാണ്ടി ഉമ്മന്‍ ആശാനാഥുമായി ക്ഷേത്ര ദര്‍ശനം നടത്തിയതാണ് ഏറെ വിവാദം സൃഷ്ടിച്ചത്.
English Summary: Temple visit with Chandy Oommen; Yuva Morcha leader Ashanath has been removed from the post of state secretary
You may also like this video
