വിദ്യാർത്ഥിനിയെ പീഡിപ്പിച്ച പ്രതി പിടിയിൽ

ഇടവഴിയിൽ വെച്ച് പത്തുവയസുകാരിയെ പീഡിപ്പിച്ച പ്രതി പൊലീസ് പിടിയിൽ. മാങ്കാവ് സ്വദേശി ഫാസിലിനെയാണ് പന്നിയങ്കര പൊലീസ് ഹൈലൈറ്റിന് മാളിന് സമീപം വച്ച് പിടികൂടിയത്. കഴിഞ്ഞ പന്ത്രണ്ടിനായിരുന്നു സംഭവം. കണ്ണഞ്ചേരി ഭാഗത്തുള്ള ഇടവഴിയിലൂടെ സ്കൂളിലേക്ക് തനിച്ച് നടന്നുപോവുകയായിരുന്ന വിദ്യാർത്ഥിനിയെ സ്കൂട്ടറിൽ പിന്നാലെയെത്തിയ പ്രതി ആളൊഴിഞ്ഞ സ്ഥലത്ത് വെച്ച് കടന്നുപിടിച്ച് പീ‍ഡിപ്പിക്കുകായയിരുന്നു. പ്രതിയെക്കുറിച്ച് യാതൊരു സൂചനയും ഇല്ലാതിരുന്ന കേസിൽ ദിവസങ്ങൾ നീണ്ട ശാസ്ത്രീയ അന്വേഷണത്തിലൂടെയാണ് പ്രതിയെ പിടികൂടുന്നത്. പത്തനംതിട്ടയിൽ സമാനമായ കുറ്റകൃത്യം ചെയ്ത് ജാമ്യത്തിലിരിക്കെയാണ് പ്രതി സമാനമായ കുറ്റകൃത്യം നടത്തിയത്. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാന്റ് ചെയ്തു.