കര്‍ണാടകയില്‍ ഭരണനേതൃമാറ്റത്തിന് ബിജെപി തയാറെടുക്കുന്നു

കർണാടകയിൽ ഭരണനേതൃമാറ്റത്തിന് ബിജെപി ദേശീയ നേതൃത്വം തയാറെടുക്കുന്നതായി റിപ്പോർട്ട്. പുതുമുഖങ്ങളെ ഉൾപ്പെടുത്തുന്നതിലാണ് പാർട്ടിയുടെ ശക്തിയെന്ന ബിജെപി ദേശീയ ജനറൽ സെക്രട്ടറി ബി എൽ സന്തോഷിന്റെ പ്രസ്താവനയെത്തുടർന്നാണ് മുഖ്യമന്ത്രിയെയും മന്ത്രിമാരെയും മാറ്റിയേക്കാമെന്ന തരത്തിലുള്ള വാർത്തകൾ വന്നത്.

നിയമസഭാ തെരഞ്ഞെടുപ്പിന് മുന്നോടിയായി ഗുജറാത്തിൽ നടത്തിയതുപോലെ അഴിച്ചുപണി വേണമെന്ന ആവശ്യം എംഎൽഎമാരുൾപ്പെടെയുള്ള നേതാക്കൾ പങ്കുവച്ചിരുന്നു.

എന്നാൽ ഇത്തരത്തിലുള്ള റിപ്പോർട്ടുകൾ അഭ്യൂഹങ്ങൾ മാത്രമാണെന്ന് ബിജെപി നേതാക്കൾ പറഞ്ഞു. ഏതാനും ദിവസങ്ങൾക്കുള്ളിൽ മന്ത്രിസഭാ വികസനം ഉണ്ടാകുമെന്നും നേതാക്കൾ വ്യക്തമാക്കി.

Eng­lish summary;The BJP is prepar­ing for a change of gov­ern­ment in Karnataka

You may also like this video;