ഓടിക്കൊണ്ടിരുന്ന വാഹനം കത്തിനശിച്ചു. കാര്‍ ഓടിച്ചിരുന്നയാള്‍ പരിക്കുകളോടെ രക്ഷപെട്ടു. ഇന്നലെ ഉച്ചകഴിഞ്ഞ് രണ്ടോടെ തേര്‍ഡ്ക്യാമ്പ് — നീരേറ്റുപുറം റോഡിലാണ് അപകടം നടന്നത്. എടാട്ട് ജയദേവന്റെ ഹോണ്ട ഇയോണ്‍ കാറാണ് ഓട്ടത്തിനിടയില്‍ കത്തിയത്. സംഭവ സമയം ജയദേവന്‍ മാത്രമാണ് വാഹനത്തില്‍ ഉണ്ടായിരുന്നത്. നെടുംങ്കണ്ടത്തു നിന്നും അഗ്‌നിശമന സേനയുടെ രണ്ട് യൂണിറ്റ് എത്തിയാണ്തീയണച്ചത്.
കാര്‍ പൂര്‍ണ്ണമായും കത്തി നശിച്ചു. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് പ്രാഥമിക നിഗമനം. പൊള്ളലേറ്റ ജയദേവനെ ആശുപത്രിയില്‍ പ്രവേശിപ്പിച്ചു. അഗ്‌നിശമന സേന സീനിയര്‍ ഓഫീസര്‍ സജികുമാര്‍ ഉദ്യോഗസ്ഥരായ കേശവ് പ്രദീപ്, പ്രശോഭ്, പ്രതിന്‍ ആര്‍ മോഹന്‍, അനീഷ്, ജോസഫ് ജയ്‌സണ്‍, ബിജു, അജേഷ്, സോമന്‍, രാമചന്ദ്രന്‍ എന്നിവരാണ് സ്ഥലത്തെത്തി രക്ഷാപ്രവര്‍ത്തനം നടത്തിയത്.
English Summary: The car that was running was destroyed by fire
You may also like this video
