എംഎൽഎയും നടനുമായ മുകേഷ് ഉള്‍പ്പെടെയുള്ളവർക്കെതിരെയുള്ള ലൈംഗികാരോപണ കേസിൽ നിന്ന് പിൻമാറി ആലുവ സ്വദേശിയായ നടി . തന്റെ കേസ് തെളിയിക്കാൻ സർക്കാരും മാധ്യമങ്ങളും പിന്തുണച്ചില്ലെന്നും അതിനാൽ കേസിൽ നിന്നും പിൻമാറുന്നുവെന്നും നടി അറിയിച്ചു.ഹേമ കമ്മിറ്റി റിപ്പോര്‍ട്ട് പുറത്തു വന്നതിനു പിന്നാലെ ഏറെ കോളിളക്കം സൃഷ്ടിച്ച വെളിപ്പെടുത്തലുകള്‍ ആയിരുന്നു നടിയുടേത്.
മുകേഷിനെ കൂടാതെ ജയസൂര്യ, ബാലചന്ദ്ര മേനോൻ, ഇടവേള ബാബു തുടങ്ങി ഒട്ടേറെ പേർക്കെതിരെ നടി ആരോപണമുന്നയിച്ചിരുന്നു. ഇതിനു പിന്നാലെ പ്രത്യേകാന്വേഷണ സംഘം കേസുകളുമെടുത്തു. കേസുകൾ നേരിടുന്ന എല്ലാവരും തന്നെ ഇപ്പോൾ ജാമ്യത്തിലാണ്. അതിനിടെയാണ് താൻ കേസിൽ നിന്ന് പിന്മാറുന്നു എന്ന് വ്യക്തമാക്കി നടി രംഗത്തു വന്നിരിക്കുന്നത്. സമൂഹത്തിന്റെ നന്മയ്ക്കു വേണ്ടിയാണ് മുന്നോട്ടുവന്നതെന്നും ഇനി പെൺകുട്ടികളോട് ആരും അഡ്ജസ്റ്റ്മെന്റ് ചോദിക്കരുത് എന്ന് കരുതിയാണ് കേസ് കൊടുത്തതെന്ന് നടി പറഞ്ഞു .