പാസ്പോര്ട്ട് അപേക്ഷാ നടപടികളില് വലിയ മാറ്റങ്ങള് കൊണ്ടുവന്നിരിക്കുകയാണ് കേന്ദ്രം. 2023 ഒക്ടോബര് ഒന്നം തീയതിക്കോ, അതിന് ശേഷമോ ജനിച്ച കുട്ടികള്ക്ക് ഇനി പാസ്പോര്ട്ട് അപേക്ഷിക്കാന് ജനന സര്ട്ടിഫിക്കറ്റ് നിര്ബന്ധമാകും. ജനന തീയതി തെളിയിക്കാന് മറ്റൊരു രേഖയും ഇവര്ക്ക് സ്വീകാര്യമല്ല.
ജനനതീയതി കൃത്യമായി ഉറപ്പുവരുത്താനും ഏകീകരിക്കാനും രേഖകളിലെ കൃത്യത ഉറപ്പുവരുത്താനുമാണ് ഇതിലൂടെ ലക്ഷ്യമിടുന്നത്. പുതിയ ചട്ടം സര്ക്കാര് ഗസറ്റില് പ്രസിദ്ധീകരിക്കുന്നതോടെ പ്രാബല്യത്തില് വരും. 2023 ഒക്ടോബർ ഒന്നിന് മുമ്പ് ജനിച്ചവർക്ക് പുതിയ നിബന്ധന ബാധകമല്ല. ഇവർക്ക് ജനനസർട്ടിഫിക്കറ്റ് ഉൾപ്പെടെ 7 രേഖകളിൽ ഏതെങ്കിലും ജനന തീയ്യതി സ്ഥിരീകരണത്തിന് സമർപ്പിക്കാം.
ജനന സർട്ടിഫിക്കറ്റ്, അവസാനം പഠിച്ച സ്കൂളിൽ നിന്നുള്ള ടിസി, എൽഐസിയോ മറ്റേതെങ്കിലും പൊതുമേഖലാ സ്ഥാപനമോ ലഭ്യമാക്കുന്ന ഇൻഷുറൻസ് രേഖ, ആധാർ കാർഡ്, തെരഞ്ഞെടുപ്പ് തിരിച്ചറിയൽ കാർഡ്, പാൻ കാർഡ്, ഡ്രൈവിങ് ലൈസൻസ് തുടങ്ങിയ രേഖകളാണ് പകരം നൽകാവുന്നത്