കുടുംബം നോമ്പ് തുറക്കാൻ പോയി;വീടിന്റെ പൂട്ട് പൊളിച്ച് 30 പവനും 2 ലക്ഷം രൂപയും കവർന്നു

കുടുംബം നോമ്പ് തുറക്കാൻ പോയ സമയത്ത് വീടിന്റെ പൂട്ട് പൊളിച്ച് 30 പവൻ സ്വർണവും 2 ലക്ഷം രൂപയും കവർന്നു. കടലുണ്ടി മണ്ണൂർ വടക്കുമ്പാട്ട് കിഴക്കേ കോണത്ത് ഉമ്മർകോയയുടെ വീട്ടിലായിരുന്നു മോഷണം. ഇന്നലെ വൈകിട്ട് മകളുടെ പുല്ലിപ്പറമ്പിലെ വീട്ടിൽ നോമ്പുതുറക്കാൻ പോയതായിരുന്നു കുടുംബം. രാവിലെ തിരിച്ചെത്തിയപ്പോഴാണ് മുൻവശത്തെ വാതിലിന്റെ പൂട്ട് പൊളിച്ചതായി കണ്ടത്. ഫറോക്ക് ഇൻസ്പെക്ടർ ടി എസ്. ശ്രീജിത്തിന്റെ നേതൃത്വത്തിൽ പൊലീസ് സ്ഥലത്തെത്തി പരിശോധന നടത്തി.