ഇസ്രയേൽ ആക്രമണത്തിൽ പരിക്കേറ്റ പതിനഞ്ച് പലസ്തീൻ കുഞ്ഞുങ്ങളുമായുള്ള ആദ്യ വിമാനം അബുദാബിയിലെത്തി. വിമാനത്തില്‍ പതിനഞ്ച് കുട്ടികളും കുടുംബാംഗങ്ങളുമുണ്ട്. ആയിരം പലസ്തീൻ കുട്ടികളെ യുഎഇയില്‍ എത്തിച്ച് ചികിത്സ നൽകുന്നതിന്റെ ഭാഗമായാണിത്.
നവംബർ 11നുശേഷം കുഞ്ഞുങ്ങളടക്കം 40 രോഗികൾ ആശുപത്രിയിൽ മരിച്ചതായി അൽശിഫ വ്യക്തമാക്കിയിരുന്നുപ. ആയിരക്കണക്കിനു രോഗികൾ ആശുപത്രിയിൽ കുടുങ്ങിക്കിടക്കുന്നതായും ആശുപത്രി കെട്ടിടങ്ങൾ ഇസ്രായേൽ തകർത്തതായും റിപ്പോർട്ടുണ്ട്. ഒക്ടോബർ ഏഴിന് ഇസ്രയേൽ ഗാസയിൽ ആരംഭിച്ച ആക്രമണത്തിൽ ഇതിനോടകം 12,000 പേർ കൊല്ലപ്പെട്ടു. ഇതിൽ ഭൂരിഭാഗവും കുട്ടികളും സ്ത്രീകളുമാണ്. പതിനായിരക്കണക്കിനു പേർക്കു പരിക്കേൽക്കുകയും ചെയ്തിട്ടുണ്ട്.
English Summary: The first flight carrying 15 injured Palestinian children arrived in Abu Dhabi
You may also like this video
