നവജാത ശിശു താഴെ വീണു തലയ്ക്ക് ക്ഷതമേറ്റു. നെയ്യാറ്റിൻകര ജനറൽ ആശുപത്രിയിലാണ് സംഭവം. കുഞ്ഞിന്റെ ശരീരത്തിൽ മഞ്ഞനിറം കണ്ടതിനെ തുടർന്ന് ലേബർ റൂമിൽ നിന്ന് കൂടുതൽ പരിശോധനയ്ക്കായി ലാബിലേക്ക് കൊണ്ടുപോയ സമ യത്താണ് അപകടം സംഭ വിച്ചത്.
തലയ്ക്ക് പരിക്കേറ്റ കുട്ടിയെ എസ്എടി ആശുപത്രിയിലേക്ക് മാറ്റി. ശനിയാഴ്ച രാവിലെ പതിനൊന്ന് മണിയോടെയായിരുന്നു സംഭവം. കാഞ്ഞിരംകുളം നിവാസികളായ സുരേഷ് കുമാർ — ഷീല ദമ്പതികളുടെ ആൺകുഞ്ഞിനാണ് അപകടമുണ്ടായത്. സ്കാനിങിന് വിധേയമാക്കിയപ്പോഴാണ് തലയ്ക്ക് ഏറ്റ ക്ഷതം മനസിലായത്. തുടർന്ന് വിദഗ്ധ പരിശോധനയ്ക്കും, ചികിത്സയ്ക്കുമായി എസ്എടി ആശുപത്രിയിലേക്ക് മാറ്റുകയുണ്ടായി. ശിശു സുഖമായിരിക്കുന്നു എന്ന് സൂപ്രണ്ട് അറിയിച്ചു.
English Summary: The four-day-old baby fell down and injured his head
You may like this video also
