ചെലവുകള്‍ക്കായി അധിക തുക അനുവദിക്കണമെന്ന് താനല്ല, രാജ്ഭവനാണ് ആവശ്യപ്പെട്ടതെന്ന വാദവുമായി ഗവര്‍ണര്‍ ആരിഫ് മുഹമ്മദ് ഖാന്‍ . രാജ്ഭവന് വേണ്ടി സര്‍ക്കാര്‍ ചെലവാക്കുന്ന പണത്തില്‍ തനിക്ക് ഉത്തരവാദിത്തം ഇല്ല. ഇത് സംബന്ധിച്ച ഒരു ഫയലിലും താന്‍ ഒപ്പിട്ടിട്ടില്ല. രാജ്ഭവനും സര്‍ക്കാരുമായാണ് കത്തിടപാട് നടക്കുന്നത്. അധിക പണം വേണമെന്ന് ആവശ്യപ്പെട്ട് താന്‍ അയച്ച ഒരു കത്ത് എങ്കിലും സര്‍ക്കാര്‍ കാണിക്കട്ടെ. സമ്മര്‍ദതന്ത്രമാണ് സര്‍ക്കാര്‍ നടത്തുന്നതെന്നും ഗവര്‍ണര്‍ ആരോപിച്ചു.
നിയമസഭ പാസാക്കിയ ബില്ലുകള്‍ സംബന്ധിച്ച് താന്‍ ചോദിച്ച കാര്യങ്ങളില്‍ വിശദീകരണം ലഭിച്ചിട്ടില്ല. ഇനിയും വ്യക്തത വരുത്തേണ്ട കാര്യങ്ങളുണ്ട്. അതിനാലാണ് ബില്ലുകളില്‍ ഒപ്പിടാത്തതെന്നും താന്‍ രാജ്ഭവനിലെ റബ്ബര്‍ സ്റ്റാമ്പ് അല്ലെന്നും ഗവര്‍ണര്‍ മാധ്യമങ്ങളോട് പറഞ്ഞു.
English Summary: The Governor said that it was the Raj Bhavan, not him, who had asked for the additional amount to be sanctioned for expenses
You may also like this video
